იუსტიციის მინისტრი ანრი ოხანაშვილი, მოადგილეებთან ერთად, იუსტიციის სამინისტროს სსიპ „საქართველოს ეროვნული არქივის“ თანამშრომლებს შეხვდა.

სამუშაო შეხვედრაზე განიხილეს ეროვნული არქივის მიმდინარე პროექტები, სამომავლო გეგმები და არსებული გამოწვევები.

იუსტიციის მინისტრმა ეროვნული არქივის ინფრასტრუქტურა და საცავები დაათვალიერა, ასევე ადგილზე გაეცნო თანამშრომელთა სამუშაო პირობებს.

ანრი ოხანაშვილმა თანამშრომლებს ეროვნული არქივის საქმიანობაში შეტანილი წვლილისთვის მადლობა გადაუხადა და შემდგომი წარმატებები უსურვა.